ԱՄՆ բնակչուհին նույն օրվա ընթացքում գնել է ակնթարթային վիճակախաղի երկու տոմս, որոնք երկուսն էլ շահել են։ Առաջին տոմսը հաջողակ ամերիկուհուն բերել է 10 հազար դոլարի չափով դրամական մրցանակ, երկրորդը՝ 1 միլիոն դոլար։ Այս մասին հաղորդում է NC Edication Lottery վիճակախաղի կայքը։
Միշել Շաֆլերը տոմսերից առաջինը ձեռք է բերել Հյուսիսային Կարոլինա նահանգի Լենուար քաղաքի պարենի խանութում՝ մանրի դիմաց։ Նա խանութ էր գնացել ամուսնու հետ նոյեմբերի 12-ի երեկոյան։
Առաջին հաղթանակից ոգևորված զույգը որոշել է երկրորդ տոմսը գնել՝ արդեն հարևան քաղաքի խանութներից մեկից։ Այս անգամ շահումը զգալի մեծ է եղել։
Կինը որոշել է ստանալ շահումը 20 տարվա ընթացքում՝ տարեկան 50 հազար դոլարի չափով վճարումներով։ Եթե Շաֆլերը որոշեր ստանալ այդ գումարը միանգամից, նրան կվճարեին 600 հազար դոլար։ Ամուսինները ծրագրում են այդ գումարը ծախսել իրենց ապրուստի և քոլեջում երեխաների կրթության վրա։
