Ադրբեջանի հատուկծառաությունները վնասազերծել են խմբավորում, որը ծրագրել էր ահաբեկչական գործողություն իրականացնել հոկտեմբերի 28-ին Բաքվում ընդդիմության հանրահավաքի ժամանակ, փոխանցում է TASS գործակալությունը։
«Պարզվել է, որ մի խումբ անձիք, ովքեր ենթարկվում են կրոնական-ծայրահեղական ահաբեկչական կազմակերպությանը, որը գործում է Ադրբեջանի սահմաններից դուրս, ահաբեկչությունների իրականացման նպատակով պատրաստել են պայթուցիկ սարքեր և փորձարկել դրանք Լոկբատան բնակավայրի տարածքում (Բաքվից ոչ հեռու)»,-ասվում է հանրապետության Պետանվտանգության ծառայության հանրային կապերի բաժնի հաղորդագրությունում։
Գրոհայինները սպանվել են ձերբակալության ժամանակ, քանի որ ուժայիններին դիմակայություն են ցուցաբերել և կրակ բացել նրանց վրա։
Անցկացվում է քննություն։
