Ֆրանսիայի նախագահ Էմանուել Մակրոնի 1-ամյա լաբրադորը խանգարել է կառավարության անդամների հետ երկրի ղեկավարի խորհրդակցությանը: Ելիսեյան պալատում հանդիպման ժամանակ, որը նկարահանել են ազգային հեռուստաալիքները, Նեմո շունը մտել է և կարիքը հոգացել բուխարու մոտ, հայտնում է The Guardian-ը:
Համացանցում հայտնված հոլովակում երևում է, որ շան պահվածքը զվարճացրել է ներկաներին:
«Սա հաճա՞խ է լինում»,- հարցրել է նրանցից մեկը նախագահին:
«Ոչ: Նրան ձեր ներկայությունն է հրահրել»,- պատասխանել է Մակրոնը:
Հիշեցնենք՝ Նեմո անունով շանը Մակրոնը վերցրել է ապաստանից օգոստոսի վերջին:
