Հայաստանի Հանրապետությունում միասնական երթուղային ցանցի ստեղծման նախագիծը վաղուց մոռացված՝ հին մոդելի արդիականացում է: Այդ մասին «Առաջին լրատվական»-ի հետ զրույցում ասաց Փոխադրողների միության նախագահ Հրանտ Եղիազարյանը:
«Դեռ Սովետական միության տարիներին կարգավորված էր, կային շրջաններում աշխատող երթուղիներ, որոնք աշխատում էին թե՛ մայրաքաղաքի, թե՛ իրենց շրջկենտրոնների հետ, կային նաև ընկերություններ Երևանում, որոնք ունեին մերձքաղաքային և միջքաղաքային երթուղիներ: Հիմա փորձ է արվում վերականգնելու այդ կարգը, ինչ կստացվի՝ ժամանակը ցույց կտա»,- շեշտեց նա:
Ինչ վերաբերում է մտահոգություններին, թե տրանսպորտային միասնական ցանցը կարող է հայտնվել է մի շարք հայտնի գծատերերի ձեռքին՝ Գագիկ Ծառուկյանի, Հովիկ Աբրահամյանի, Հրանտ Գրիգորյանի, Սուրիկ Խաչատրյանի և այլոց, Հրանտ Եղիազարյանն ասաց՝ կարևոր չէ, թե ում ձեռքին կհայտնվի, կարևորը, որ համակարգը լինի, ներդրում անող, հետաքրքրվող լինի:
«Չեմ կարծում՝ Գագիկ Ծառուկյանի կալիբրի մարդը կցանկանա ամբողջապես թաթախվել նման բիզնեսի մեջ, շատ էլ նրա անվան հետ կապում են, եթե թաթախվի՝ ընկերությունը չի կորցնի, իր մյուս բիզնեսներից ներդրում կանի»,- շեշտեց Հրանտ Եղիազարյանը:
Մանրամասները՝ տեսանյութում:
