Իրանի միջուկային խնդրի կարգավորմանն ուղղված Գործողությունների համատեղ համապարփակ պլանի մի շարք պայմանների վերանայման հնարավորությունը միֆ է, և այն կյանքի կոչելու Վաշինգտոնի փորձերը հղի են ամենաաղետալի հետևանքներով։ Այս մասին AP գործակալության հետ հարցազրույցում ասել է Իսլամական հանրապետության արտգործնախարար Մուհամմադ Ջավադ Զարիֆը։
Նա միֆ է անվանել պլանի դրույթների մի մասի վերանայման հնարավորությունը, որոնք վերաբերվում են միջուկային ոլորտում Թեհրանի աշխատանքի ժամկետներին ու սահմանափակումներին։ Այդ կերպ ԱՄՆ նախագահ Դոնալդ Թրամփը դիմում է «Պանդորայի արկղը» բացելու ռիսկին, նախազգուշացրել է արտգործնախարարը։
Կիրակի CNN-ի եթերում նա հայտարարել էր, որ միջուկային գործարքից ամերիկացիների դուրս գալու դեպքում Իրանն իրեն իրավունք կվերապահի արագացված տեմպերով վերսկսել ատոմային ծրագիրը։
