ՆԱՏՕ-ի գլխավոր քարտուղար Յենս Սթոլթենբերգը հայտարարել է, որ անմիջական սպառնալիք չի տեսնում Ռուսաստանի ու Բելառուսի առաջիկա զորավարժություններից, սակայն քննադատել է Մոսկվային այն բանի համար, որ նա բաց չի եղել առաջիկա՝«Արևմուտք» զորավարժությունների հարցում։ 2017 թվականի զորավարժությունները, որոնք, Մոսկվայի հաղորդմամբ, կներառեն մոտ 12 700 զինծառայող, անհանգստություն են առաջացրել Լեհաստանում և Բալթյան երկրներում։ Այս մասին հայտնում է svoboda.org-ը։
Սթոլթենբերգը, ելույթ ունենալով էստոնական Տապա քաղաքում գտնող ՆԱՏՕ-ի զորակազմ այցի ժամանակ, ասել է, որ Մերձբալթյան տարածաշրջանում ՆԱՏՕ-ի զորքերի ներկայությունը հստակ մեսիջ է հղել Մոսկվային այն մասին, որ հարձակումը դաշնակիցներից մեկի վրա առաջ կբերի պատասխան ողջ դաշինքի կողմից։ «Մենք ուշադիր կհետևենք «Արևմուտք» զորավարժություններին, մենք զգոն ենք, սակայն նաև հանգիստ, քանի որ մենք որևէ անմիջական սպառնալիք չենք տեսնում ՆԱՏՕ-ի որևէ դաշնակցի հանդեպ»,-ասել է նա։
Դրա հետ մեկտեղ, Սթոլթենբերգը նշել է, որ զորավարժությունների հարցում Ռուսաստանի թափանցիկությունը չի համապատասխանում միջազգային չափորոշիչներին։ ՆԱՏՕ-ի երեք փորձագետներ հրավիրվել են որպես դիտորդ մասնակցության, սակայն Սթոլթենբերգը նշել է, որ դա չի համապատասխանում ԵԱՀԿ-ի կողմից պահանջվող թափանցիկությանը։
