Երևանի Ավան և Նոր Նորք վարչական շրջանների ընդհանուր իրավասության դատարանում շարունակվոող «Սասնա ծռեր» 14 անդամի գործով դատական նիստի հերթական ընդմիջումից հետո դատավորը հայտարարեց, որ սանկցիա է կիրառել փաստաբան Արայիկ Պապիկյանի նկատմամբ և դիմելու Փաստաբանների պալատ նրան պատասխանատվության ենթարկելու պահանջով:
«Եկեք վերջ տանք այս ձևականություններին: Դադարեցրեք պաշտպանների խուզարկությունը: Ես ստիպված ներս եմ մտել առանց համակարգչի, սակայն ես բոլոր դատական նիստերին մասնակցում եմ համակարգչով և առանց դրա աշխատել չեմ կարող: Հնարավորություն ստեղծեք, որ բոլոր պաշտպանների ներկայությունը դահլիճում ապահովի»,-նշեց Արա Զաքարյանը:
Փաստաբան Տիգրան Հայրապետյանն էլ նշեց, որ հալածանք է սկսվել փաստաբանների նկատմամբ: Բոլորի վրա էլ տասից ավելի սանկցիա է կիրառվել:
Միջնորդությանը միացան նաև մյուս փաստաբանները:
