Հայտնի դերասանուհի Միշել Փֆայֆերը կարող է պարծենալ երկարատև և երջանիկ ամուսնությամբ հեռուստապրոդյուսեր և գրող Դևիդ Քելիի հետ: Նրանք միասին են ավելի քան 20 տարի, ինչը շատ անսովոր երևույթ է շոու-բիզնեսի համար, հաղորդում է 7 days.ru-ն:
Սակայն նախկինում դերասանուհին անհաջող սիրավեպեր է ունեցել Վել Քիլմերի, Ջոն Մակովիչի և Մայքլ Կիտոնի հետ: Իսկ Փիթեր Հորթոնի հետ վաղ ամուսնությունն ավարտվել է ամուսնալուծությամբ: Չհաջողված հարաբերություններից հետո նա որոշել է երեխա որդեգրել և միայնակ դաստիարակել նրան: Դերասանուհու կյանքի հենց այս հատվածում էլ հայտնվել է Դևիդը:
Նրանք ամուսնացել են, իսկ մեկ տարի անց ծնվել է զույգի առաջնեկը:
Դերասանուհին չի սիրում հիշել անցյալ հարաբերությունները` կարծելով որ նախկնում միշտ ընտրել է ոչ ճիշտ տղամարդկանց: Նա նաև երկար ժամանակ չի համարձակվել իր երեխաներին պատմել նախորդ ամուսնության մասին:
«Իմ երեխաները երկար ժամանակ չէին կասկածում, որ նախկինում ամուսնացած եմ եղել: Նրանք շատ զարմացան, երբ ասացի այդ մասին»,- ասել է դերասանուհին:
