Ադրբեջանի ՆԳՆ բոլոր մարմինները և ստորաբաժանումները հոկտեմբերի 7-13-ը կաշխատեն ուժեղացված ռեժիմով: Այս մասին հաղորդում է Trend գործակալությունը` վկայակոչելով ՆԳՆ հասարակական անվտանգության գլխավոր վարչության հրամանատար, ոստիկանության գեներալ-մայոր Ջավանշիր Մամեդովին:
Նրա խոսքերով` նախագահական ընտրությունների օրը հասարակական վայրերում իրավական կանոնների ապահովման նպատակով կմեծացվի պարեկային ծառայության աշխատակիցների թիվը:
Մամեդովը նշել է, որ ոստիկանության աշխատակիցները կկատարեն իրենց ծառայողական պարտականությունները, մասնավորապես կապահովեն արձանագրությունների, քվեաթերթիկների և այլ նյութերի պահպանությունը:
Նրա խոսքերով` նախագահական ընտրություններում հասարակական կարգի և անվտանգության պահպանման համար պատրաստվել են միջոցառումների՝ օպերատիվ իրավիճակին համապատասխան հատուկ ծրագրեր, որոնք համաձայնեցվել են իրավապահ և գործադիր մարմինների հետ:
Հիշեցնենք, որ Ադրբեջանում նախագահական ընտրությունները տեղի կունենան հոկտեմբերի 9-ին:
