Մեդուզաների հսկայական կուտակումը հանգեցրել է աշխարհում խոշորագույն միջուկային ռեակտորի աշխատանքի դադարեցմանը: Այս հազվադեպ երևույթը ապագայում կարող է բավականին տարածված դառնալ, կարծում են ծովային կենսաբանները:
Ինչպես տեղեկացնում է AP գործակալությունը, Շվեդիայի հարավ-արևելքում գտնվող Օսկարսհամն ԱԷԿ-ի օպերատորները կիրակի օրը կանգնեցրել են N3 ռեակտորն այն բանից հետո, երբ տոննաներով մեդուզաները լցվել են կայանի տուրբիններին ջուր մատակարարող խողովակների մեջ:
Ինչպես տեղեկացրել է ընկերության ներկայացուցիչը, խողովակները կենդանիներից մաքրելուց հետո մասնագետները պատրաստվում են կրկին գործարկել ռեակտորը:
Մեդուզաներն առաջին անգամը չէ, որ խափանում են ԱԷԿ-ների աշխատանքները: Անցած տարի Կալիֆոռնիայում տեղակայված ԱԷԿ-ի խողովակները խցանվել էին դոնդողային մեդուզաների կողմից:
2005 թ. Օսկարսհամնի ԱԷԿ-ի առաջին բլոկը կրկին մեդուզաների կուտակման պատճառով անջատվել էր:
Մասնագետներն ասում են, որ չեն զարմանա, եթե ապագայում մեդուզաների պատճառով ռեակտորների անջատումներն ավելի հաճախակի դառնան:
Խնդիրն այն է, որ այս ծովային կենդաներին ոչ մի կերպ չի հաջողվում վերահսկել, և գիտնականներն առայժմ չեմ կարողանում խնդրի լուծման տարբերակ առաջարկել:
