Կենդանիների պաշտպանները Պերուի կառավարությանը կոչ են արել վերջ տալ կատուներ ուտելու ավանդույթին, որը տեղի է ունենում ամենամյա կրոնական տոնակատարության ժամանակ: Այս մասին հաղորդում է BBC-ն:
Ակտիվիստների խոսքերով՝ մայրաքաղաքից հարավ գտնվող Լա Կեբրադա քաղաքում այս հանգստյան օրերին տոնակատարությանը զոհ կդառնա առնվազն 100 կատու: Փառատոնը նվիրված է սուրբ Իֆիգենիային:
Կենդանիների պաշտպաններին աջակցել է Պերուի կոնգրեսի անդամ Խուան Ուրկիսան:
Պերուի առողջապահության նախարարը ևս հայտարարել է, որ այդ ավանդույթին պետք է վերջ տալ, սակայն գործնականում որևէ քայլ չի ձեռնարկել:
Նշենք, որ ամենամյա այս փառատոնի ընթացքում ընդունված է ուտեստներ պատրաստել կատվի մսից: Տեսակետ կա, որ այստեղ առաջին տեղաբնակները կարողացել են գոյությունը պահպանել շնորհիվ կատուներ ուտելու:
