Բրիտանական Տրափսթոն քաղաքի 18-ամյա բնակչուհին գեղեցկության մրցույթի ժամանակ արժանացել է թագի և պատրաստվում էր մասնակցել ազգային մրցույթին: Սակայն նրա ծրագրերը խափանվել են կաթվածի պատճառով: Այս մասին հայտնում է MailOnline-ը:
Ջորջի Հոլանդի ինքնազգացողությունը քոլեջում վատացել է: Ուսուցչուհին խորհուրդ է տվել տուն գնալ և հանգստանալ, սակայն նա չի հասցրել շատ հեռանալ քոլեջից՝ փողոցում ուշագնաց է եղել:
Անհանգստացած ծնողները աղջկան արգելել են 2 շաբաթ դասի գնալ, սակայն նրա վիճակը դրանից չի բարելավվել:
Բժշկական կենտրոնում բժիշկները կատարել են Հոլանդի ուղեղի սքանավորում՝ ախտորոշելով կաթված:
Աղջկա հետ զրույցից հետո բժիշկները եզրակացրել են, որ ինսուլտը Yasmin հակաբեղմնավորիչների հետևանք է, որը աղջիկը օգտագործել է 2 տարի շարունակ:
Ներկայում նա մասամբ կորցրել է աջ աչքի տեսողությունը, ստիպված է ամեն օր ասպիրին խմել:
Աղջիկը չի կորցնում հույսը՝ շարունակել նախապատրաստվել գեղեցկության մրցույթին ու ի վերջո դառնալ «Եվրոպայի դեմքը»:
