Սիրիայի խնդրին քաղաքական լուծում տալու վերաբերյալ Ռուսաստանի և ԱՄՆ-ի միջև ձեռք բերված պայմանավորվածությունից հետո ամերիկյան ռազմական ուժերը չեն փոխել իրենց դիրքորոշումը: Այս մասին, Պենտագոնին հղում կատարելով, տեղեկացնում է Reuters գործակալությունը:
Դրանից բացի, ԱՄՆ-ի պաշտպանության նախարարությունը դեռևս Սիրիայում ռազմական գործողության պլանի մեջ որևէ փոփոխություն չի մտցրել:
Պենտագոնի ներկայացուցիչը հայտարարել է, որ ԱՄՆ-ի կողմից ռազմական սպառնալիքն է խթանել խնդրի խաղաղ լուծման տարբերակների որոնմանը:
Սիրիական խնդիրը շաբաթ օրը Ժնևում քննարկել են Ռուսաստանի ԱԳ նախարար Սերգեյ Լավրովն ու ԱՄՆ պետքարտուղար Ջոն Քերին: Վերջինի խոսքերով՝ ՌԴ-ն և ԱՄՆ-ը կարողացել են շատ հարցերում պայմանավորվածություն ձեռք բերել հիմնականում այն պատճառով, որ Վաշինգտոնը ձգտում է խնդրին դիվանագիտական լուծում տալ:
