Բելառուսի նախագահ Ալեքսանդր Լուկաշենկոն դարձել է 2013-ի Խաղաղության Շնոբելյան մրցանակի դափնեկիր: Այս մասին հայտնում է BBC-ն:
Լուկաշենկոն և բելառուսական ոստիկանությունը մրցանակ են ստացել հրապարակային ծափահարություններն արգելելու և հրապարակային ծափահարության պատճառով տուգանելու համար. Գրոդնոյի՝ մեկ ձեռք ունեցող բնակիչը ծափահարել էր հասարակական վայրում, որի պատճառով տուգանվել էր:
Հրապարակային ծափահարությունները Բելառուսում արգելված են 2011 թվականից, երբ ընդդիմության բողոքի ակցիաները սկսել էին անցկացվել նորովի. մասնակիցները կարգախոսներ չէին վանկարկում, այլ միայն ծափահարում էին:
Նոբելյան մրցանակի երգիծական տարբերակներին հավակնում են նաև հետազոտողները, ովքեր հայտնաբերել են, որ գոմաղբի բզեզները կարող են կողմնորոշվել աստղերով, ինքնաթիռ առևանգողներին կատապուլտի ենթարկելու սարքի գյուտարարը, ինչպես նաև գիտնականները, ովքեր հաստատել են, որ հարբած մարդիկ իրենց իսկապես ավելի գրավիչ են համարում:
