Եվրախորհրդարանի պատգամավորներն առաջարկում են պաշտոնապես աջակցել Արևելյան գործընկերության անդամ երկրներին և դատապարտել Ռուսաստանի ագրեսիվ քաղաքականությունը նրանց հանդեպ՝ նշվում է բանաձևի վեց նախագծերում: Այս մասին հաղորդում է korrespondent.net-ը:
Մոսկվային սաստելու ձգտմանը կողմ է պատգամավորների մի մասը: Քաղաքական գործիչների մյուս մասն էլ ցանկանում է ռուսական կողմին մեկնաբանել, որ Արևելյան գործընկերության աշխատանքը ոչ մի բացասական ազդեցություն չի գործում Ռուսաստանի հետ հարաբերություններում:
Միևնույն ժամանակ ձախ ուժերը մտադիր են քննադատել եվրոպական դիվանագիտական ծառայությանը՝ Ռուսաստանի հետ անարդյունավետ երկխոսության համար, և կոչ են անում փոխզիջում գտնել ստեղծված իրավիճակում:
Մինչդեռ Սոցիալիստների և դեմոկրատների պրոգրեսիվ դաշինքի քաղաքական գործիչները ցանկանում են ևս մեկ անգամ իրենց աջակցությունը հայտնել Վիլնյուսում Ասոցացման համաձայնագրի ստորագրմանը և հրապարակայնորեն նշել Ուկրաինայի առաջընթացը եվրաինտեգրման գործընթացում:
Լիբերալների և դեմոկրատների դաշինքը առաջարկում է Մոսկվայի գործողություններին ավելի կոշտ արձագանքել և հայտարարել Սոչիում Օլիմպիադան բոյկոտելու մնասին: Եվրոպական ժողովրդական կուսակցությունում ցանկանում են Ռուսաստանին ուղղակի հիշեցնել, որ առևտրի եվրոպական ազատ գոտու նպատակն է բարձրացնել մրցունակությունը և տնտեսական արտադրանքը, ինչը մեխանիկորեն կօգնի նաև ՌԴ-ին:
