Մարդու իրավունքների եվրոպական դատարանը (ՄԻԵԴ) ապրիլի 13-ին Ադրբեջանի հետ կապված 22 վճիռ է հրապարակելու:
Այս մասին հաղորդում է ադրբեջանական azadliq.info լրատվական գործակալությունը:
Այս 22 վճիռները, որոնք հրապարակվելու են ՄԻԵԴ-ի կողմից, վերաբերում են 2010 թ. Ադրբեջանում տեղի ունեցած խորհրդարանական ընտրությունների հետ կապված հայցերին:
Իրավապաշտպան Ինթիքամ Ալիևի հաղորդմամբ` դեռևս հայտնի չէ այս 22 որոշումների արդյունքում Ադրբեջանի կառավարությանը ներկայացվելիք տուգանքի չափը:
Ադրբեջանից ամեն տարի ՄԻԵԴ են ուղարկվում մարդու իրավունքների խախտման վերաբերյալ հարյուրավոր հայցեր:
2016 թ. Ադրբեջանից Մարդու իրավունքների եվրոպական դատարան է ուղարկվել 333 հայց, իսկ 2015 թ.` 268: Մարդու իրավունքների եվրոպական դատարանը (ՄԻԵԴ) ապրիլի 6-ին Ադրբեջանի հետ կապված միանգամից 11 վճիռ է կայացրել:
ՄԻԵԴ-ը այս 11 հայցերի բավարարման արդյունքում Ադրբեջանի կառավարությանը տուգանել է 81 հազար 690 եվրոյի չափով, որով պետք է փոխհատուցվեն դիմումատուները:
