Ֆրանսիայի ուլտրաաջ «Ազգային ճակատ» կուսակցության առաջնորդ, նախագահի թեկնածու Մարին Լե Պենը դատարան է կանչվել կեղծ աշխատողներ վարձելու գործի շրջանակում։ Այս մասին հայտնում է AFP-ն՝ հղում անելով քննությանը մոտ աղբյուրներին։
Աղբյուրներից մեկի խոսքով՝ Լե Պենը նամակով տեղեկացրել է, որ չի պատասխանի ծանուցմանը մինչ նախընտրական արշավի ավարտը։
Մարին Լե Պենին մեղադրում են նրանում, որ նա իր կուսակցության աշխատակիցներին նշանակել է խորհրդարանական օգնականներ և վճարել նրանց աշխատավարձեր Եվրախորհրդարանի բյուջեից, մինչդեռ այդ մարդիկ փաստացի աշխատանք չեն իրականացրել Եվրախորհրդարանի գծով։
Հիշեցնենք, որ ավելի վաղ Եվրախորհրդարանը զրկել էր Մարին Լե Պենին պատգամավորական անձեռնմխելիությունից։
