Վրաստանի «Իմեդի» հեռուստաընկերությունը փետրվարի 26-ին տարածել Է տեղեկատվություն այն մասին, որ փետրվարի 2-ից մինչև 13-ը Գերմանիայում պատրիարք Իլիա Բ-ի բուժման ժամանակ պատրիարքությունից կորել են պատրիարքի անձնական կնիքը և նրա ֆաքսիմիլեն:
«Կնիքի և ֆաքսիմիլեի կորուստը կարող Է կապված լինել պատրիարքի կտակի կեղծման հետ՝ Վրաց ուղղափառ եկեղեցու հովվապետի գահին իր հաջորդի վերաբերյալ»,- «Իմեդի»-ին հայտարարել Է աստվածաբան Գիորգի Տիգինաշվիլին:
Հենց այս շրջանում, «Իմեդիի» պնդմամբ, պատրիարքի կնիքի և ֆաքսիմիլեի օգտագործմամբ Գերմանայում և Ավստրիայում թեմերի ղեկավարի թափուր պաշտոնում Սուրբ Սինոդի գիտությամբ փետրվարի 9-ին ժամանակավորապես նշանակվել Է Զուգդիդի և Ցաիշի միտրոպոլիտ Գերասիմ Շարաշենիձեն:
«Եթե Գերմանիայում վիրահատության ժամանակ պատրիարքը վախճանվեր, պատրիարքությունում պետք Է շտապ կարգով հայտարարեին գահաժառանգին: Դա, անշուշտ, կլիներ պատրիարքի կեղծված կտակը»,- հայտարարել Է Գ. Տիգինաշվիլին:
«Իմեդի» հեռուստաընկերությունը, վկայակոչելով «իրազեկ աղբյուրներ», հայտնել Է, որ, եթե պատրիարքը բարեհաջող տաներ լեղապարկի վիրահատությունը, պատրաստվել Էր նրա ֆիզիկական վերացման պլան՝ ցիանիդ թունավոր նյութի միջոցով:
