Ինչպես գրում է եգիպտական Al-Gumhuriya թերթը, Եգիպտոսի նախկին նախագահ Հոսնի Մուբարաքն արդեն առաջիկա ուրբաթ օրը կարող է Շարմ Ալ-Շեյխի հիվանդանոցից տեղափոխվել Կահիրեի «Տորա» բանտի հիվանդանոց:
Al-Ahram-ի տեղեկություններով, առաջիկա օրերին որոշվելու է նաև Հոսնի Մուբարաքի և նրա որդիների գործի դատական առաջին նիստի օրն ու վայրը: Այս երեքի հետ դատարանի աթոռին է հայտնվել նաև նրանց ընտանիքին մոտ կանգնած հայտնի գործարար Հուսեյն Սալիմը: Հոսնի Մուբարաքին հավանաբար կներկայացնեն նրա փաստաբանները, քանի որ նախկին նախագահն առողջական վիճակի պատճառով չի կարողանա ներկա գտնվել դատական նիստին:
Այս շաբաթ Եգիպտոսի գլխավոր դատախազ Աբդ Ալ-Մագիդ Մահմուդը որոշում է կայացրել քերական գործը, որով Մուբարաք ընտանիքի անդամները մեղադրվում են զանգվածային սպանությունների, պաշտոնական դիրքի չարաշահման և կառուպցիայի մեջ, դատարան ուղարկելու մասին:
