Սան Դիեգոյի 70-ամյա քաղաքապետ Բոբ Ֆիլները որոշում է կայացրել օգոստոսի 30-ին պաշտոնաթող լինել, որպեսզի քաղաքային խորհուրդը դրա փոխարեն իրեն օգնություն ցուցաբերի սեռական ոտնձգությունների մեջ մեղադրվելու հարցում, գրում է rt.com-ը: Վերջին մի քանի ամսում 18 կին հայտարարել է, որ նա իրենց հետ հարաբերություններում կոռեկտ չի եղել:
Բոբ Ֆիլները ներողություն է խնդրել կանանցից, սակայն հերքել է սեռական ոտնձգությունների վերաբերյալ մեղադրանքները: Թույլ սեռի մի քանի ներկայացուցիչներ հայտարարել են, որ նա իրենց անվայել ակնարկներ է արել, ցանկացել դիպչել ու համբուրել:
Ինքը՝ չինովնիկը սեփական գործողություններն այլ կերպ է ներկայացնում՝ նշելով, որ փորձել է կանանց հետ առավել սերտ հարաբերություններ հաստատել, սակայն ոչ մի վատ միտք չի ունեցել:
Չնայած այս աղմկահարույց պատմությանը՝ քաղաքապետը շարունակել է կատարել իր պարտականությունները և անգամ հատուկ կլինիկայում հոգեթերապիայի երկշաբաթյա կուրս անցնել:
Դատախազությունը նրա դեմ քրեական գործ է հարուցել: Արդյունքում քաղաքապետը համաձայնել է պաշտոնաթող լինել, սակայն մի պայմանով. Սան Դիեգոյի քաղաքապետարանը մասամբ պետք է իր վրա վերցնի դատական ծախսերը:
