Լիբիայի առաջնորդ Մուամար Քադաֆին կարող է ապաստան ստանալ Սերբիայում: Այս մասին գրում է Le Canard Enchaine ֆրանսիական պարբերականը: Այս նախաձեռնությունը, ըստ պարբերականի, պատկանում է Սերբիայի ղեկավարությանը:
Ըստ նույն աղբյուրի՝ արևմտյան երկրները (Ֆրանսիան, Գերմանիան, ԱՄՆ-ն, Մեծ Բրիտանիան) Քադաֆիի նախկին պաշտոնյա, իսկ այժմ Մեծ Բրիտանիայում գտնվող, արտաքին գործերի նախկին նախարար Մուսա Քուսայի միջոցով փորձում են կարգավորել այս հարցը՝ դիմելով Քադաֆիի որդուն՝ Սայֆ Ալ-Իսլամին: Այս առաջարկով նրանք նաև անձեռնմխելիություն են խոստացել Լիբիայի դիկտատորին և նրա ընտանիքի բոլոր անդամներին Լիբիան վերջնական լքելու դեպքում:
Բացի այդ, այսօր հայտնի է դարձել, որ Հարավային Աֆրիկայի և Թուրքիայի ղեկավարությունները նմանատիպ նախաձեռնություններ են ներկայացրել Քադաֆիին, իսկ Հարավաֆրիկյան Հանրապետության նախագահը հատուկ այդ նպատակով մեկնում է Տրիպոլի:
