ԳԴՀ նոր արտգործնախարար Զիգմար Գաբրիելը հայտարարել է, որ տրանսատլանտյան կապերը կմնան Գերմանիայի արտաքին քաղաքականության հիմնական ուղղությունը՝ տեղեկացնում է Reuters-ը:
Գաբրիելի կարծիքով՝ պոպուլիստական շարժումները հենվում են մարդկանց վախերի վրա՝ խոստանալով ազգային նոր առաջնահերթություններ, սակայն այդ ուղղությամբ շարժվելը մեծագույն սխալ է:
Գաբրիելը կարծում է, որ Գերմանիան պետք է վստահորեն վերաբերվի ԱՄՆ-ում կատարվող փոփոխություններին: Նա նաև հույս է հայտնել մոտ ժամանակներում ԱՄՆ պետքարտուղարի թեկնածու Ռեքս Թիլերսոնի հետ հանդիպման առնչությամբ:
