Ավստրալական վերլուծական Institute for Economics and Peace կազմակերպությունը հրապարակել է Global Peace Index-ը՝ գոլբալ խաղաղության ինդեքսը, որը ցույց է տալիս աշխարհի 153 երկրներում տիրող խաղաղության աստիճանն ու քաղաքացիների՝ խաղաղ և հանգիստ ապրելու հնարավորությունները:
Այս վարկանիշային ցուցակը որոշելիս կազմակերպությունը հաշվի է առել այդ երկրներում բռնության աստիճանը, ընդ որում՝ հաշվի է առնվել ինչպես ներքին, այնպես էլ արտաքին ագրեսիան: Վարկանիշը որոշելիս ուսումնասիրվել են նաև տվյալ երկրի ռազմական ծախսերը, զինված ուժերի քանակը, կազմակերպված հանցավորության մակարդակը, ոստիկանների, դատապարտվածների քանակը, տվյալ երկրում զոհված օտարեկրացիների թիվը և այլն:
Ըստ այդմ՝ աշխարհի ամենախաղաղասեր երկիր է համարվել Իսլանդիան, որին հետևել են Նոր Զելանդիան, Ճապոնիան, Դանիան և Չեխիան:
Այս ցուցակում Հայաստանը զբաղեցնում է 109-րդ հորիզոնականը: Տարածաշրջանային երկրներում իրավիճակն ավելի վատ է: Վրաստանը 134-րդ տեղում է, Ադրբեջանը՝ 122-րդ տեղում, Թուրքիան՝ 127-րդ: Ռուսաստանն այս ցուցակում ամենավերջին տեղերում է և զբաղեցնում է 147-րդ հորիզոնականը, իսկ Միացյալ Նահանգները՝ 82-րդը:
