ԱՄՆ Օրեգոն նահանգի իշխանությունները աքաղաղների մարտեր կազմակերպելու կասկածանքով կալանավորել են Ռումինիայի արտաքսված թագավորի դստերը:
Համաձայն դատարան ներկայացված փաստաթղթերի՝ 60-ամյա Իրինա Ուոքերն ու նրա ամուսինը՝ Ջոն Ուեսլի Ուոքերը, վերջին կես տարում Օրեգոնի իրենց ռանչոյում կազմակերպել են նվազագույնը 10 աքաղաղային մարտեր, ինչն արգելված է դաշնային օրենսդրությամբ, հայտնում է RIA Novosti-ն:
Տեղի ԶԼՄ-ները հաղորդում են, որ կալանավորված կինը Ռումինիայի թագավոր Միխայ Առաջինի ու նրա կնոջ՝ արքայադուստր Աննա Բուրբոնի դուստրն է:
Միխայ Առաջինը 1947թ., երբ միապետությունը փոխարինվեց կոմունիստական կառավարմամբ, ստիպված էր արտագաղթել երկրից:
