Ընդդիմադիր ռուս քաղաքական գործիչ Ալեքսեյ Նավալնին հայտարարել է 2018 թվականի նախագահական ընտրություններին մասնակցելու մտադրության մասին, հաղորդում է Interfax-ը։
«Ես ընտրությունների եմ գնում ծրագրով՝ ինչպես Ռուսաստանը դարձնել արդար և ժամանակակից: Ինչպես վերացնել կոռուպցիան…
Մեզ պետք է ազնիվ խոսակցություն, այլ ոչ թե ևս մի կեղծ հեռուստաշոու: Ես պատրաստ եմ ապացուցել ցանկացած մրցակցի հետ վեճում, որ իմ ծրագիրն ավելի լավն է, քան ներկայիս կուրսը»,- ասվում է Նավալնիի նախընտրական արշավի կայքում:
Նավալնին նշել է, որ վերջին մրցակցային նախագահական ընտրությունները Ռուսաստանում եղել են ավելի քան 20 տարի առաջ:
Ռուսաստանում նախագահական ընտրություններն անցկացվելու են 2018 թվականի մարտի 11-ին:
