Ապագան մոտենում է աննկատ։ Չեք էլ նկատի, թե ինչպես կհայտնվեք առաջավոր ռոբոտատեխնիկայի և առանց վարորդի ավտոմեքենաների շրջապատում։ Համաշխարհային տնտեսական ֆորումի վերլուծաբանները հարցման են ենթարկել ավելի քան 800 խոշոր տեխնիկական մասնագետների և պարզել, թե ինչ բարձունքների կհասնեն տեխնոլոգիաները հաջորդ 14 տարիներին։
2018 թվականին օգտատերերի 90 տոկոսը կօգտվի անվճար և անսահմանափակ ամպային պահեստներից։
2021 թվականին ԱՄՆ-ում կհայտնվի առաջին ավտոմատացված դեղագործը
2022 թվականին համացանցին միացած կլինի ավելի քան 1 տրիլիոն սենսոր
2022 թվականին Երկրի բնակչության 10 տոկոսը կկրի համացանցից միացված հագուստ
2022 թվականին կսկսվի եռաչափ տպիչով տպված մեքենաների արտադրություն
2023 թվականին շուկա դուրս կգա առաջին իմպլանտավորվող բջջային հեռախոսը
2023 թվականին ակնոցների 10 տոկոսը միացված կլինի համացանցին
2023 թվականին Երկրի բնակիչների մոտ 80 տոկոսը կօգտվի համացանցից
2024 թվականին մարդուն կփոխպատվաստեն եռաչափ տպիչով պատրաստված առաջին լյարդը
2024 թվականին համաշխահային համացանցային թրաֆիքի կեսը բաժին կընկնի կենցաղային սարքերին
2025 թվականին սպառողական ապրանքների մոտ 5 տոկոսը կստեղծվի եռաչափ տպիչներով
2026 թվականին արհեստական ինտելեկտը մուտք կգործի խոշոր ընկերությունների տնօրենների խորհուրդ
2026 թվականին կհայտնվի առանց լուսացույցների առաջին խոշոր «խելացի» քաղաքը։
