Բարսելոնում նախօրեին բացվել է սեռական փոքրամասնությունների խոշորագույն եվրոպական փառատոնը՝ El Circuit Festival-ը:
Ինչպես տեղեկացնում է Еuromag պորտալը՝ հիմնական արարողությունները տեղի են ունենում բաց երկնքի տակ: Ծրագրում նախատեսված են գրական շնորհանդեսներ, շփումներ, վարպետության դասընթացներ և կինոցուցադրություններ: Փառատոնի մասնակիցները կարող են զբաղվել յոգայով, մասնակցել ֆուտբոլի, լողափնյա վոլեյբոլի մրցումների:
Հավաքվածների առջև ելույթ կունենան ավելի քան 70 դիջեյներ և արտիստներ, որոնցից շատերը գեյ-մշակույթը ներկայացնում եմ համաշխարհային երաժշտական արվեստում: Փառատոնը կշարունակվի մինչև կիրակի օրը՝ օգոստոսի 11-ին:
Գեյ-փառատոնի մասնակիցներից շատերը օտարերկրացիներ են: Անցած տարի 70% օտարերկրացիներից 14,5% -ը ֆրանսիացիներ էին, 10,9%-ը՝ անգլիացիներ, 5,7%-ը՝ իտալացիներ, 5%-ը՝ գերմանացիներ, 3,2%-ը՝ շվեդներ, 2,6%-ը՝ հոլանդացիներ, 1,9%-ը՝ բելգիացիներ և այլ պետությունների ներկայացուցիչներ: Անցած տարի փառատոնը 70 հազար մարդ էր հավաքել:
Ինչպեսև սպասում են փառատոնի կազմակերպիչները՝ մասնակիցների միջին ծախսը մեկ մարդու համար օրական 250 եվրո կկազմի: Այսպիսով, El Circuit Festival-ը քաղաքին ավելի քան 100 միլիոն եվրո կբերի:
