Երեկ պարզ դարձավ, որ ՀՀ Տնտեսական մրցակցության պաշտպանության պետական հանձնաժողովի նիստում «Երևան Գարեջուր» ընկերության հանդեպ գերիշխող դիրքի չարաշահման համար տուգանք է կիրառվել: Տուգանքի չափն աննախադեպ է` 110 միլիոն դրամ։
Ըստ հանձնաժողովի՝ նախորդ տարվանից սկսած արձանագրել է գարեջրի գնի` 1 լիտրի հաշվով 30 դրամի չափով բարձրացում։
Հաշվի առնելով այն, որ ընկերությունը զբաղեցնում է գերիշխող դիրք և զբաղեցնում է շուկայի մոտ կեսը, ՀՀ Տնտեսական մրցակցության պաշտպանության պետական հանձնաժողովը հարոցել է վարչական վարույթ և շարունակում է ուսումնասիրել՝ պպատակ ունենալով պարզել գնի բարցրացման հիմնավորումը:
ԱԺ ՀՀԿ խմբակցության պատգամավոր Հակոբ Հակոբյանը, ում ընտանիքին է պատկանում «Երևան Գարեջուր» ընկերությունը, նշեց, որ այդ որոշումն անակնկալ է եղել իրենց համար:
«Եթե տեղյակ լինեինք, որ նիստ պետք է լինի, կգնայինք, կմասնակցեինք, և հանձնաժողովի անդամներին կներկայացնեինք մեր փաստերը, և այդ ժամանակ հանձնաժողովի անդամները, չեմ կարծում, որ կողմ կքվեարկեին նման որոշմանը: Մտածված են արել, որովհետև մեզնից ինչ փաստաթուղթ ուզել են ներկայացրել ենք, իրենք եթե համոզված լինեին, որ մենք չենք կարողանա ապացուցել մեր ճիշտը, անպայման մեզ կկանչեին: Քանի որ չեն կանչել, նրանք համոզված են եղել, որ մենք փաստեր կներկայացնենք: Մեզ չեն կանչել, որպեսզի մեծ շոու արվի»,- նշեց Հ. Հակոբյանը:
Հակոբ Հակոբյանը պարզաբանեց, որ 2015թ-ին՝ մայիսը ներառյալ, համեմատած 2014-ի նույն ժամանակաշրջանի հետ, ընկերությունը 71 մլն դրամ պակաս շահույթ է ունեցել: «Երկու ճանապարհ ունեինք՝ կա՛մ պետք է աշխատակիցներին կրճատեինք, կա՛մ գին բարձրացնեինք: Մենք գնացել ենք երկրորդ ճանապարհով: Մենք տեղյակ ենք պահել ՀՀ Տնտեսական մրցակցության պաշտպանության պետական հանձնաժողովին, և գինը բարձրացրել ենք»:
Մանրամասները՝ տեսանյութում:
