Իտալիան հայտարարել է 102 անօրինական ներգաղթյալների իր երկրում ընդունելու որոշման մասին: Նրանք գտնվում էին Միջերկրական ծովում գտնվող նավում: Այդ մասին հաղորդում է Reuters-ը:
Հյուսիսային Աֆրիկայի ներգաղթյալները փորձել են նավակով Լիբիայից հասնել Եվրոպա, սակայն նավը վթարվել է: Նրանց փրկել է Մալթա ուղևորվող լցանավը, սակայն այն ստիպված է եղել կանգնել ծովում, երբ Մալթայի իշխանությունները հայտարարել են, որ չեն ընդունի նրա ուղևորներին նույնիսկ ժամանակավոր բնակության համար:
Մալթան բացատրել է իր վճռականությունը նրանով, որ նավի հրամանատարը չի ենթարկվել Մալթայի ու Իտալիայի իշխանությունների սահմանապահների հրահանգներին, որոնք պահանջել են նրանից անմիջապես վերադառնալ Լիբիա:
Այժմ նավը ուղևորվում է Սիրակուզայի սիցիլիական նավահանգիստ: Մալթայի վարչապետ Ջոզեֆ Մուսկաթը արդեն շնորհակալություն է հայտնել Իտալիային այդ որոշման համար:
