ԱՄՆ-ը ԵՄ-ի օրինակով պատժամիջոցներ է սահմանել Պետդումայի 6 պատգամավորների դեմ, ովքեր ընտրվել են Ղրիմից։ Այս մասին ասվում է ԱՄՆ Ֆինանսների նախարարության հաղորդագրությունում, որը հրապարակվել է գերատեսչության կայքում։
Ցուցակում են հայտնվել Ղրիմի նախկին փոխվարչապետ Ռուսլան Բալբեկը, Պետխորհրդի նախկին փոխխոսնակներ Կոնստանտին Բախարովն ու Անդրեյ Կոզենկոն, ինչպես նաև Սվետլանա Սավչենկոն, Պավել Շպերովն ու Դմիտրի Բելիկը։
Նշվում է, որ Վաշինգտոնը շարունակում է սերտորեն համակարգել իր գործողությունները Բրյուսելի հետ Մոսկվայի վրա ճնշում գործադրելու հարցում՝ պաշտպանելու համար Ուկրաինայի «անվտանգությունն ու ինքնիշխանությունը»։
Նոյեմբերի 9-ին ԵՄ խորհուրդը հայտարարել էր Ղրիմից՝ 7-րդ գումարման Պետդումայում ընտրված պատգամավորներին սև ցուցակում ներառելու մասին։ Խոսքը վերաբերվում է պատգամավորների ԵՄ մուտքի արգելքին և նրանց հաշիվների սառեցմանը։
