Եգիպտական ԶԼՄ-ներն այսօր տեղեկացրել են այն մասին, որ ուժային կառույցները փաստաթղթերով մի ծրար են հայտնաբերել, որտեղ նշված են եղել այն քաղաքական, հասարակական և կրոնական գործիչները, ովքեր պետք է ոչնչացվեին: Ցուցակի մեջ ներառված են նախագահի ժամանակավոր պաշտոնակատար Ադլի Մանսուրը և նրա տեղեկալ Մուհամմեդ Ալ-Բարադեյը, առաջին փոխվարչապետ և պաշտպանության նախարար Աբդել Ֆաթահ Աս-Սիսին, վարչապետ Հազեմ Ալ-Բաբլաուին, ինչպես նաև ղպտիների պատրիարք Տավադրոսը: Ցուցակում 83 մարդ է ներառված, այդ թվում՝ հայտնի լրագրողներ և բլոգերներ:
Փաստաթղթերում նկարագրված են եղել ահաբեկչական գործողությունների նշանակետերը՝ ռազմական և քաղաքացիական օբյեկտներ, ինչպես նաև՝ 5 մասի բաժանված Եգիպտոսի քարտեզը: Այդ քարտեզի համաձայն՝ Եգիպտոսը ծրագրվում էր բաժանել «Մեծ Իսրայելի» և «Մահմեդական Եգիպտոսի», երկրի հարավը պետք է Նուբիային անցներ, իսկ կենտրոնը կմնար քրիստոնյաների վերահսկողության տակ: Հինգերորդ պետությունը կտրվեր «հրեաների տիրապետությանը»:
Ինչպես տեղեկացնում է ИТАР-ТАСС-ը, Եգիպտոսի ՆԳ նախարարությունն արդեն հետաքննություն է սկսել, ուժեղացվել է հասարակական գործիչների և փաստաթղթերում նշված օբյեկտների պաշտպանությունը:
