Պրահայում բազմահազարանոց բողոքի ակցիա է անցկացվել Առաջին հանրապետության հռչակման 98-րդ տարվա կապակցությամբ՝ ուղղված ռուսամետ նախագահ Միլոշ Զեմանի և Ռուսաստանի ու Չինաստանի հետ մերձեցման նրա քաղաքականության դեմ։ Այս մասին հայտնում է Ռադիո Պրահան։
Մի քանի տասնյակ մտավորականներ կոչ են արել հանրությանը ոտքի կանգնել՝ ի պաշտպանություն ժողովրդավարության և աջակցել հայտարարված Քաղաքացիական հուզումների շաբաթվան։
Ակտիվիստները հրապարակել են միջնորդագիր, որում նախագահին կոչ են անում հրաժարվել կոպտության ու ստի տարածումից, ինչպես նաև ներողություն՝ այդ ամենի համար։
Ցուցարարներին մասնավորապես զայրացրել է այն, որ չինական կառավարությունը, ի պատասխան հավատարմության երդումների, արձագանքում է, որ խոսքերին պետք է հաջորդի գործը։ «Այդ ամոթը մեզ վերադարձնում է անցյալ։ Ղեկավարությունը չունի երկիրը դեպի Արևելք շրջելու մանդատ»,-ասվում է հայտարարությունում։
