Մոսկվայի «Շերեմետևո» օդանավակայանում ձերբակալվել է ՀՀ քաղաքացի, որը Մոսկվայի կենտրոնում կողոպտել էր բորտուղեկցորդուհուն և նրա ընկերուհուն։ Ինչպես հաղորդում է 360 հեռուստաալիքը՝ վկայակոչելով իրավապահ մարմինների իր աղբյուրին, հանցագործությունը կատարվել է հոկտեմբերի սկզբին։
«Պոլյոտ» ավիաընկերության բորտուղեկցորդուհին ընկերուհու հետ հանգստացել է Մոսկվայի գիշերային ակումբներից մեկում։ Տուն վերադառնալիս նրանք կանգնեցրել են մի ավտոմեքենա, որում գտվել են ծագումով Կովկասից երկու տղամարդ։
Հեռուստաալիքի տեղեկություններով` տեղ հասնելուց հետո կանայք ցանկացել են վճարել, երբ դիմացի նստատեղին գտնվող տղամարդը դանակի սպառնալիքով նրանցից դրամապանակ, ոսկյա շղթա և iPhone է վերցրել: Դրամապանակում եղել է մի քանի բանկային քարտ ու տարբեր արժույթներով գումար: Ընդհանուր վնասը կազմել է 383 հազար ռուբլի:
Հաղոդրագրության համաձայն՝ հանցագործներից մեկը ձերբակալվել է հոկտեմբերի 27-ին` «Շերեմետևո» օդանավակայանում: Պարզվել է, որ տղամարդը չունի մշտական բնակության վայր:
«Ձերբակալությունն իրականացվել է հոկտեմբերի 27-ին՝ ժամը 08:30-ին:
«Հանցագործը Հայաստանի 22-ամյա տղամարդ է»,- պատմել է հեռուստաալիքի զրուցակիցը:
Նշվում է, որ կողոպուտի փաստի առթիվ քրեական գործ է հարուցվել:
