Դերասանուհի Էմմա Ուոթսոնը, որը հայտնի է նաև ՄԱԿ-ի հետ համագործակցությամբ, կազմակերպության հետ համատեղ պայքարում է կանանց և տղամարդկանց իրավահավասարության համար: Այս մասին հայտնում է starslife.ru-ն:
He For She ծրագրի շրջանակներում Էմման վերջերս այցելել է Մալավիա, որտեղ Դեդզա քաղաքի դպրոցներից մեկում աշակերտների հետ շփվել է հրատապ թեմաների շուրջ: Նա հատուկ ուշադրություն է դարձրել աֆրիկյան պետություններում վաղ ամուսնությունների խնդիրներին:
«Երիտասարդ աղջիկների հետ հանդիպումը, որոնք, ինչպես շատերը այս երկրում, պայքարում են աղքատության դեմ, որոնց պարտադրում են վաղ ամուսնություն… ինձ ստիպեցին գիտակցելու, թե որքան կարևոր է կնոջ համար ունենալ սեփական ընտրություն կատարելու հնարավորություն», նշել է Ուոթսոնը՝ հավելելով, որ վաղ ամուսնությունը նաև աղջիկներին զրկում է զարգանալու և ինքնաիրացման հնարավորությունից:
Հարկ է նշել, որ այդպիսի քարոզչությունից արդեն որոշակի օգուտ եղել է: 2015 թվականին Մալիվիայի իշխանությունների կողմից որոշում է ընդունվել ամուսնության տարիքը բարձրացնել մինչև 18 տարվա:
