RIA Novosti-ի փոխանցմամբ՝ Թուրքիայի բանակը «Եփրատի վահան» գործողության շրջանակներում Սիրիայի հյուսիսում ԴԱԻՇ ահաբեկչական խմբավորման դիրքերին հասցրել է 268 հարված՝ ոչնչացնելով ահաբեկիչների 82 օբյեկտ: Այդ մասին հայտնել են Թուրքիայի գլխավոր շտաբում:
Ռազմական գերատեսչությունում նշել են, որ ԴԱԻՇ-ի դեմ մարտերում ընդդիմադիր Սիրիական ազատ բանակը ունեցել է երկու զոհ և տասը վիրավոր: Թուրքական կողմից կորուստներ չեն եղել: Սիրիական ազատ բանակի ստորաբաժանումը իր վերահսկողության տակ է վերցրել Էլ Ռաի քաղաքից հարավ-արևելք գտնվող Ակտարին բնակավայրը:
Նշվում է, որ «Եփրատի վահան» գործողության ողջ ընթացքում Սիրիայում ահաբեկիչներից «մաքրվել է» 119 բնակավայր, որոնց ընդհանուր տարածքը կազմում է 1010 քառ.կմ:
