Եվրամիությունը պաշտոնապես գործարկել է Սահմանների և առափնյա պահպանության եվրոպական ծառայության (ՍԱՊԵԾ) աշխատանքը՝ նպատակ ունենալով պայքարել միգրացիոն ճգնաժամի դեմ: Հոկտեմբերի 6-ից նոր գործակալության առաջին առաքելությունը ծավալվել է Բուլղարիայի և Թուրքիայի սահմանի հսկիչ անցակետում:
Ինչպես մեկնարկի արարողության ժամանակ հայտարարել է միգրացիայի հարցերով եվրակոմիսար Դիմիտրիս Ավրամոպուլոսը, այս իրադարձությունը պատմական է ԵՄ-ի համար: «Այսօր պատմական օր է մեզ համար, կարևոր ուղենիշ ԵՄ-ի սահմանների կառավարման պատմության մեջ»,-ասել է նա:
Իր հերթին Բուլղարիայի փոխվարչապետ և ներքին գործերի նախարար Ռումյանա Բիչվարովան նշել է, որ «այստեղ՝ բուլղարա-թուրքական սահմանին, մենք դրել ենք ԵՄ-ի սահմանների պահպանության արդյունավետ, համերաշխ և գործընկերային համագործակցության սկիզբը»:
ՍԱՊԵԾ-ը ԵՄ-ի պատմության մեջ առաջին վերազգային հատուկ ծառայությունն է, որն իր տնօրինության տակ ունի սեփական օպերատիվ անձնակազմ՝ սահմանապահ ոստիկաններ, որոնց Եվրամիությունը կարող է տեղակայել հանրակցության արտաքին սահմաններում՝ դրանց պահպանությունն ուժեղացնելու նպատակով:
«Ընդամենը Բուլղարիայում առաքելության կազմում հաշվում է ավելի քան 150 մարդ՝ 136 ոստիկանության սպաներ, 14 թանգմանիչներ, 13 փորձագետներ, գողացված մեքենաների երեք մասնագետներ, ինչպես նաև Բուլղարիայի և Թուրքիայի սահմանապահ ծառայությունների հետ կապի երկու սպաներ: Առաքելության կազմում ընդգրկված են Բուլղարիայի, Գերմանիայի, Նիդեռլանդների, Իսպանիայի, Իտալիայի, Լեհաստանի, Ֆինլանդիայի ներկայացուցիչները»,-լրագրողներին հայտնել է ՍԱՊԵԾ-ի ներկայացուցիչը։
