Գերմանիան դիտարկում է Ռուսաստանի դեմ տնտեսական պատժամիջոցներ սահմանելու հնարավորությունը Սիրիայում Մոսկվայի կողմից իրականացվող քաղաքականության պատճառով։ Այս մասին հայտնում է The Wall Street Journal-ը՝ հղում անելով իրավիճակին ծանոթ աղբյուրին։
Նրա խոսքով՝ կանցլեր Անգելա Մերկելի կառավարությունն ուսումնասիրում է հնարավորությունները, որոնք կստիպեն Մոսկվային փոխել իր կուրսը Սիրիայում։
Նշվում է, որ այդ հարցը գտնվում է քննարկման վաղ փուլում։ Անորոշ է մնում, թե ինչ մասշտաբի կլինի հակառուսական պատժամիջոցների աջակցությունը Բունդեսթագում։
Իր հերթին, Գերմանիայի ԱԳՆ ներկայացուցիչ Մարտին Շեֆերն ասել է, որ Սիրիայում քաղաքականության պատճառով Ռուսաստանի դեմ պատժամիջոցների սահմանման առաջարկը դեռևս չի քննարկվում։
