Google կորպորացիան ներել է 12-ամյա իսպանացու 100 հազար եվրո պարտքը: Այս մասին հայտնում է TASS-ը՝ հղում անելով արտասահմանյան ԶԼՄ-ներին:
Տորևյեխա ոչ մեծ քաղաքի 12-ամյա բնակիչը իր 15-ամյա ընկերոջ հետ ստեղծել է կայք, որում հրապարակել են երաժշտության մասին տեսանյութեր: 2016թ. օգոստոսին երեխաները հաշիվ են բացել AdWords-ում՝ Google ընկերության կոնտեքստային գովազդի ծառայությունում:
Երեխաները կարծել են, որ դրա միջոցով կկարողանան գումար ստանալ գովազդի համար, որը նրանք դրել են իրենց տեսանյութերում: Իրականում նրանք AdWords-ի միջոցով սկսել են իրենց կայքը զարգացնել, ինչի համար նրանց հաշիվ է ներկայացվել:
«Մենք վերլուծել ենք այդ դեպքը, մենք գումար չենք ստացել այդ օգտատիրոջից»,- դրա հետ կապված՝ նշել են Google-ում:
«Բազմաթիվ առցանց-ծառայություններ, այդ թվում՝ AdWords-ը, տարիքային սահմանափակումներ ունեն»,- հիշեցրել են կորպորացիայում:
