Այսօր գրեթե 2.5 հազար մարդ մասնակցել է Սոֆիայում տեղի ունեցած բողոքի ակցիային՝ ուղղված Բուլղարիայի կառավարության դեմ: Այդ մասին հաղորդել է ITAR-TASS-ը՝ վկայակոչելով հանրապետության ՆԳՆ մամլո ծառայությանը:
Հակակառավարական ցույցի մասնակիցները բացականչում են «հրաժարական»՝ կոչ անելով Օրեշարսկիի գլխավորած նախարարների կաբինետին վայր դնել լիազորությունները: Ցուցարարների կողմից իրավախախտումներ չեն գրանցվել՝ հաղորդել է ՆԳՆ-ն:
Ցույցի պատճառով մայրաքաղաքում երթևեկությունը դժվարացել է, քանի որ որոշ կենտրոնական փողոցներ արգելափակված են ցուցարարների կողմից:
Սոֆիայում հակակառավարական ցույցերը շարունակվում են գրեթե մեկ ամիս:
