«Չեմ կարող ասել, որ ձախողում կամ վրիպում ենք ունեցել, իրադարձությունները կարծում եմ, շատ ճիշտ ձևով էին զարգանում: Իշխանությունները «ճիշտ» ժամանակին հասկացան, որ նավը սկսել է ճոճվել: Նրանք հասկացան, որ նավը պետք է կանգնեցնել և դա ապօրինի կերպով արեցին՝ իրականացրեցին պատժիչ գործողություններ և մեկուսացրեցին խորհրդի անդամներին,- այս մասին «Առաջին լրատվական» -ի հետ զրույցում ասաց «Ժառանգություն» կուսակցության փոխնախագահ Արմեն Մարտիրոսյանը՝ հավելելով, որ կարողացան մի փոքր հաջողությունների հասնել խորհուրդը ցրելու և հասարակական ճնշման ալիքը ղեկավարելու հարցում, սակայն նավը կանգնեցնել այլևս չեն կարող:
Արմեն Մարտիրոսյանի դիտարկմամբ՝ «նավը կանգնեցնել» հնարավոր չէ ներքին և արտաքին պատճառներով: Նրա խոսքով՝ առաջին հերթին պատճառներից մեկը սոցիալ-տնտեսական է խայտառակ վիճակն է, որն իր հետ բերում է կառավարման մոնոլիտ համակարգի կազմաքադման: Երկրորդը արտաքին քաղաքական խնդիրներն են՝ հատկապես Արցախի հետ կապված խնդիրը:
«Երկրում կայունացման պրոցես չկա, կայունացման պրոցես կարող էր լինել, եթե գոնե ինչ-որ քայլեր իրականացվեին այս ճգնաժամից դուրս գալու ուղղությամբ»,- նշեց Ա. Մարտիրոսյանը: Նա նաև հավաստիացրեց, որ ընդդիմությունը քայլեր է իրականացնում կազմակերպված գործողություններ իրականացնելու համար:
Մանրամասները՝ տեսանյութում:
