Գերմանիայի կանցլեր Անգելա Մերկելը կոչ է արել Հալեպում ապահովել ռազմական գործողությունների 48-ժամյա դադարներ՝ մարդասիրական օգնության հասանելիության համար։ Այս մասին նա հայտարարել է Rhein-Neckar-Zeitung թերթին տված հարցազրույցում։
«Այն, ինչ տեղի է ունենում Հալեպում, սարսափելի է, դա մարդասիրական աղետ է։ Այդ իսկ պատճառով կրակի դադարեցման 3-ժամյա դադարները, որոնք առաջարկել են նախագահ Ասադն ու Ռուսաստանը՝ որպես նրա դաշնակից, ոչ մի կերպ բավարար չեն, դրանք ցինիկ են մարդկանց տառապանքների լույսի ներքո»,-կարծում է Մերկելը։
«Ցանկացած միջազգային կազմակերպություն կասի, որ այդ ժամանակը չի բավականացնի մարդկանց անհրաժեշտ մատակարարմամբ ապահովելու համար»,- հավելել է նա։
Կանցլերը նշել է, որ ՄԱԿ-ի գնահատականով՝ անհրաժեշտ է շաբաթվա մեջ առնվազն 48 ժամ, սակայն նույնիսկ դա միայն առաջին քայլն է, որը պետք է ապահովեն Ռուսաստանն ու սիրիական ղեկավարությունը։
