Հուլիսի 29-ին գիշերը, Երևան քաղաքի Սարի թաղ կոչվող թաղամասում տեղի ունեցած բախումների ժամանակ քաղաքացիական հագուստով ոստիկանների շարքերում էր ՀՀ ոստիկանության պետի տեղակալ Լևոն Երանոսյանի քրոջ որդին՝ Սերյոժա Գալստյանը, որն իր մորեղբոր թիկունքից չէր հեռանում այնքան ժամանակ, մինչև սկսվեց բխումը:
Բախման ժամանակ էլ Սերյոժա Գալստյանը (քաղաքացիական հագուստով) նախ արագ բարձրանում է համազգեստավոր ոստիկանների առջևի շարքը, իսկ հետո լքում այդ հատվածը, որտեղ մնում են ոստիկանապետի թիկնազորի պետը, թիկնապահը, առանձնապես ծանր հանցագործության մեջ մեղադրվեղ Սարգիս Հախանումյանի եղբայրը և Աժ պատգամավոր Մհեր Սեդրակյանի տղայի վարորդը:
Armtimes.com–ին հայտնի դարձավ, որ Սերյոժա Գալստյանի եղբայրը՝ Սամվել Գալստյանը, Արմավիրի մարզի Ջրառատ համայնքի ղեկավար Սամվել Գալստյանն է, որը հաստատեց, որ ե՛ւ Երանոսյանի քրոջ որդիներն են իրենք, ե՛ւ որ իր եղբայրը ՀՀ ոստիկանության ծառայող է:
-Պարոն Գալստյան, Սերյոժա Գալստյանը ձեր եղբայրն է, չէ՞:
-Այո:
-Նա ի՞նչ կապ ունի Երևանի ոստիկանության հետ կամ առհասարակ ոստիկանության հետ, ոստիկանության ծառայո՞ղ է:
–Աշխատում է, ուրիշ ինչ կա, ի՞նչ խնդիր կա:
-Ինքն էլ է մասնակցել Սարի թաղի միջադեպին:
–Ավելի լավ չի՞ ոստիկանությանը դա հարցնեք:
-Ես ուզում էի իմանալ՝ հաստատ ձեր եղբայրն, թե՞ չէ:
–Այո, ես ունեմ Սերյոժա Գալստյան անունով եղբայր: Ինքն աշխատում ու ծառայում է Հայաստանի Հանրապետությանը:
-Դուք բարեկամական կապ ունեք չէ՞, փոխոստիկանապետ Լևոն Երանոսյանի հետ:
-Ունեմ, ու մեծ հպարտությամբ ունեմ:
-Ձեր մորեղբա՞յրն է:
-Հա, ասենք՝ դուք լավ տեղեկացված եք:
Ամբողջությամբ՝ սկզբնաղբյուր կայքում
