Նավթի համաշխարհային գները արագացրել են աճը սպասումների ֆոնին, որ արտադրող երկրները մոտ ժամանակներս գործողություններ կձեռնարկեն շուկայում պահանջարկի ու առաջարկի հավասարակշռության վերականգնման համար։ WTI ամերիկյան թեթև նավթի մեկ բարելի գինը հուլիսի 21-ից ի վեր առաջին անգամ գերազանցել է 45 դոլարի հոգեբանական նշագիծը։ Այս մասին են վկայում բորսային տվյալները։
WTI նավթի սեպտեմբերյան ֆյուչերսների արժեքը բարձրացել է 1.19 տոկոսով՝ հասնելով 45.02 դոլարի։ Brent մակնիշի հյուսիսծովյան նավթային խառնուրդի հոկտեմբերյան ֆյուչերսների գինը բարձրացել է 1.02 տոկոսով՝ հասնելով 47.45 դոլարի։