Համաձայն անշարժ գույքի Savills գործակալության ամենամյա վարկանիշի՝ Նյու Յորքն ու Հոնկոնգը ճանաչվել են կյանքի ու աշխատանքի համար աշխարհի ամենաթանկ քաղաքները, մինչդեռ նախկին առաջատար Լոնդոնն իջել է երրորդ հորիզոնական՝ գրում է The Wall Street Journal-ը։
Ինչպես հաղորդվում է՝ հետազոտության ընթացքում վերլուծվել է կյանքի տարեկան արժեքն աշխատանք ունեցող քաղաքացու համար, ով ապրում է վարձակալված բնակարանում։ Ավելի քան 2 տարի բրիտանական մայրաքաղաքը եղել է վարկանիշի գագաթնակետին, սակայն հունիսին կայացած հանրաքվեից հետո իջել է 2 հորիզոնականով՝ ֆունտի փոխարժեքի անկման և անշարժ գույքի շուկայում ակտիվության նվազման պատճառով։
Համաձայն հետազոտության՝ Լոնդոնում աշխատանք ունեցող քաղաքացու տարեկան ծախսերը նվազել են 11 տոկոսով՝ հասնելով 100 հազար դոլարի, Նյու Յորքում դրանք կազմել են 114 հազար դոլար, Հոնկոնգում՝ 100,9 հազար դոլար։
