Georgia Online-ի փոխանցմամբ՝ Վրաստանի խորհրդարանում ներկայացված քաղաքական ուժերը փաստաթուղթ են ընդունել՝ հաջակցություն ՆԱՏՕ-ին ինտեգրվելու:
Հռչակագրում նշված է, որ փաստաթուղթը ստորագրած կուսակցությունները, չնայած քաղաքական տարաձայնություններին, զբաղեցնում են միասնական դիրքորոշում այն սկզբունքի պատճառով, որ Վրաստանը ինքնիշխան, անկախ պետություն է, որ վրաց ժողովուրդը հավատարիմ է եվրոպական ժողովրդավարություն կառուցելուն, ազատություն, տնտեսական պոտենցիալ, անվտանգություն ապահովելուն, և որ Վրաստանը ձգտում է եվրաատլանտյան կառույցների լիիրավ անդամակցությանը:
«Վրաստանը ցանկանում է նշանակալից դեր խաղալ եվրաատլանտյան հասարակությունում, իր ներդրումն ունենալ նրա հավաքական անվտանգության, ժողովրդավարության ու բարեկեցության մեջ:
Մեր երկիրը մասնակիորեն օկուպացվել է Ռուսաստանի կողմից: Վերջին 25 տարում ռուսական ագրեսիայի և 2008 թվականին Վրաստան ներխուժելու պատճառով հարյուր հազարավոր մարդիկ դարձել են փախստական:
Մենք գտնվում ենք տարածքային հավակնություններով լեցուն տարածաշրջանում, որը աշխարհագրորեն մոտ է ընթացիկ ռազմական հակամարտությունների գոտիներին:
Սակայն մեր տեղանքը նաև կարևոր է որպես լոգիստիկ ու էներգետիկ միջանցք Արևելքի ու Արևմուտքի միջև»:
Ընդգծվում է, որ փաստաթուղթը ստորագրել են Վրաստանի նախագահը, վարչապետը խորհրդարանի նախագահը, ինչպես նաև «Վրացական երազանք», «Հանրապետականներ», «Պահպանողականներ», «Ազգային ֆորում», «Ազատ դեմոկրատներ» և «Միասնական ազգային շարժում» կուսակցությունները:
