Լեհական PAP լրատվական գործակալության փոխանցմամբ՝ Լեհաստանի նախագահ Անջեյ Դուդան հայտարարել է, որ ՆԱՏՕ-ն պետք է դռները բաց պահի Վրաստանի, Ուկրաինայի ու Մոլդովայի համար:
Նրա խոսքերով՝ 1980-ական թվականներին շատերը համարում էին, որ կոնֆլիկտներն այլևս չեն կրկնվի, ինչի համար ՆԱՏՕ-ի ակտիվությունը կրճատվեց, սակայն վերջին տարիներին իրավիճակը փոխվել է, և այդ գործընթացը սկսվեց 2008 թվականին՝ Վրաստանի վրա Ռուսաստանի հարձակմամբ:
«Ես կարծում եմ, որ ՆԱՏՕ-ն պետք է շարունակի աջակցել Վրաստանին, Ուկրաինային ու Մոլդովային և դռները բաց պահի նրանց առջև: Բնականաբար, այդ գործընթացը կարող է երկար տևել, սակայն ՆԱՏՕ-ի դռների փակվելը կլիներ շատ վատ ազդանշան»,- հայտարարել է Լեհաստանի նախագահը:
