Փախստականներին և տեղահանված անձանց օգնող կազմակերպության հետ «Գահերի խաղը» սերիալի համագործակցման շրջանակներում ֆիլմի 3 դերասաններ այցելել են Հունաստանում գտնվող փախստականների ճամբարներ, հայտնում է Watchers On The Wall-ը:
Լենա Հիդին, Լիամ Քանինգհեմը և Մեյսի Ուիլյամսը Հունաստանում այցելել են փախստականների ընտանիքներին:
«Դա արհեստական ճգնաժամ է: 54 հազար մարդ մնացել է Հունաստանում: Եվրոպայում փախստականների ճամբարնե՞ր: Մի՞թե դա իրոք այն ստանդարտն է, որը ԵՄ առաջնորդները տեսնում են որպես փախստականների գլոբալ ճգնաժամի պատասխան»,- հայտարարել է Քանինգհեմը:
Իսկ Ուիլյամսը նշել է, որ իր համար այդ ճգնաժամը վերաբերում է նախևառաջ երեխաներին, քանի որ «նրանք ունեն այնքան պոտենցիալ, այնքան հույսեր և երազանքներ»: Նա նույնպես քննադատել է եվրոպական իշխանություններին այն բանի համար, որ կառուցում են ճամբարներ: Նրա կարծիքով՝ ԵՄ առաջնորդները կարող են ավելի լավ կյանքի պայմաններ ապահովել փախստականների համար:
