Մինչև 2050 թ. 7,4 մլն մարդկային կյանք կփրկվի ծխախոտի դեմ պայքարի միջոցառումների շրջանակում, որն ընդունվել է 2007-2010 թթ.՝ աշխարհի 41 երկրի կողմից։ Այս մասին ասվում է Առողջապահության համաշխարհային կազմակերպության (ԱՀԿ) փաստաթղթում:
ԱՀԿ-ի՝ ծխելու դեմ պայքարի առանցքային միջոցառումները ներառում են ծխախոտ օգտագործելու վիճակագրություն, ծխախոտի ծխից քաղաքացիներին պաշտպանելու գործողություններ, աջակցություն ու օգնություն նրանց, ով ցանկանում է թողնել ծխելը, զգուշացում քաղաքացիներին ծխելու վնասների մասին, ծխախոտի գովազդի խստացում, ակցիզների ավելացում, հայտնում է RIA Novosti-ն:
ԱՀԿ-ի փորձագետները կառուցել են մաթեմատիկական մոդել, որպեսզի հաշվարկեն, թե մինչ 2050 թ. քանի վաղաժամ մահ կհաջողվի կանխել շնորհիվ այդ միջոցառումների:
Հետազոտվել են 41 երկրների տվյալներ, որոնք առավել շատ են առաջընթաց գրանցել ծխախոտի դեմ պայքարում: Դրանցում բնակող բնակիչների թիվը, 2008 թ. տվյալների համաձայն, կազմում է 6,8 մլրդ մարդ, իսկ ծխողներինը՝ 290 մլն:
