Նոր Զելանդիայից լուսանկարիչ Դանիել Էրիկսենը ուղևորվել է Ֆիլիպիններ, որպեսզի նկարահանի, թե ինչպես են ապրում մարդիկ աղքատության շեմից այն կողմ, հայտնում է fullpicture.ru-ն:
Մանիլայում խիստ զգացվում է բնակարանի պակասի խնդիրը, այդ պատճառով մարդիկ իրենց համար տանիք են գտնում գերեզմանոցում: Սակայն դա այն գերեզմանները չեն, որոնք մենք սովոր ենք տեսնել: Հիմնականում դրանք դամբարաններ են, որտեղ հանգչում են ննջեցյալները: Դրանք իրենցից ներկայացնում են սենյակներ, որտեղ էլ իրենց համար ապաստան են գտնում որոշ ֆիլիպինցիներ:
