Թուրքական Anadolu լրատվական գործակալության փոխանցմամբ` Թուրքիայի արտգործնախարար Մևլյութ Չավուշօղլուն, մեկնաբանելով Մեծ Բրիտանայում անցկացված հանրաքվեի արդյունքները, հայտարարել է, որ ԵՄ-ը պետք է վերլուծի այն իրավիճակը, որում նա հայտնվել է ներկայումս:
«Դժբախտաբար, այսօր ԵՄ-ի բոլոր քաղաքական գործիչներն անհաջողություն են կրում: Եթե ԵՄ-ը ցանկանում է լինել գլոբալ խաղացող, ապա նրա կազմում պետք է լինի նաև այնպիսի ուժեղ երկիր, ինչպիսին էր Մեծ Բրիտանիան է: Մենք չէինք ցանկանա ԵՄ-ից Մեծ Բրիտանիայի հեռանալը: Չհաշված հանրաքվեից առաջ ընկած ժամանակահատվածը, Մեծ Բրիտանիան նորմալ պայմաններում աջակցել է ԵՄ-ին Թուրքիայի անդամակցությանը:
ԵՄ-ի կազմում երկու երկրների միջև հաստատվել են բավական լավ հարաբերություններ: Եվ այնուամենայնիվ, դա եղել է Մեծ Բրիտանիայի ժողովրդի որոշումը, և պետք է հարգել այն: Դա անակնկալ էր բոլորի համար, անկեղծ ասած` նաև ինձ համար: Ինձ մոտ աղոտ հույսեր կան, որ Միացյալ Թագավորությունը կմնա ԵՄ-ի կազմում:
Թուրքիան երբեք չի թաքցրել, որ ունի ԵՄ-ի կարիքը, սակայն մենք ընդդիմանում ենք երկակի ստանդարտներին: Ճգնաժամերի ժամանակ էլ ակնհայտ դարձավ, թե Թուրքիան որքան կարևոր երկիր է ԵՄ-ի կայունության ու անվտանգության համար: Նրանք Թուրքիայի կարիքն ունեցել են թե´ երեկ, թե´ ունեն այսօր: Հնարավոր է` պագայում այդ պահանջարկն ավելի աճի»:
